Дезинфекция шаралары қайта күшейді
Дүниені дүрбелеңге салған кесірлі кеселдің елімізде әлі де беті қайтпай тұр. Жаздың шекені шымырлатар аптап ыстығына қарамастан халық арасында дерттің дендеп бара жатқаны көңілге алаң туғызып отыр.
Осыған орай жаһан індетін ауыздықтау мақсатында еліміздің басым өңірлерінде карантиндік талаптар күшейтіліп, залалсыздандыру шаралары тағы да қарқын алды. «Қамданған қапы қалмайды» демекші, бұл бағыттағы жұмыстар қаламызда да қайта жанданып, дезинфекциялаудың үшінші кезеңі басталды. Бүгінде инфекция таралуының алдын алу мақсатында №66597 әскери бөлімі мен арнайы мекемелер арқылы бекітілген қызметкерлер уақытпен санаспай қызмет көрсетуде. Осыған дейін қала аумағында 6 миллионға жуық шаршы метр жер қауіпсіздендіріліп, дезинфекциялаудың ағымдағы кезеңінде 500 мың шаршы метр аумақ залалсыздандырылып үлгерген. Оған 28 арнайы техника мен 200-ге жуық қызметкер тартылған. Көбіне адамдар көп шоғырланатын жерлер, көпқабатты тұрғын үй аулалары, демалыс паркі, дүкендер мен сауда орындары және аялдамаларға гипохлорид кальций ерітіндісі қосылған арнайы қоспа шашылып, тұрғындар қауіпсіздігін барынша қамтамасыз етуде.
– Қазір жаз мезгілі болған соң балаларды үйде ұстап отыру қиын. Індеттің қаншалықты қауіпті екенін түсіндіріп бақсақ та, бала болған соң паркке, ойын алаңдарына барғысы келіп тұрады. Жақында қалалық мәдени және демалыс паркіне залалсыздандыру тоннелі орналастырылғанын көріп қуанып қалдым. Құрылғы жанындағы арнайы полиция қызметкерлері келушілерге қатаң бетперде кию режимін ескертіп, тоннель арқылы өтуді жіті қадағалап тұр. Ал, соңғы кезде таңнан кешке дейін төбені тескен аптапқа да қарамай көше, ауланы жаяу аралап, қоспа сеуіп жүрген әскери қызметкерлерді де жиі көріп жүрміз. Бұл кісілердің халық қауіпсіздігі жолындағы еңбегі ұшан-теңіз. Алғыстан басқа айтарымыз жоқ. Шындығына келгенде, денсаулық әркімнің өзіне керек қой, – дейді қала тұрғыны Гүлзира Смағұлова.
Айта кетейік, қазіргі таңда облыс орталығында тағы да 8 бірдей залалсыздандыру тоннелі орналастырылған. Олар үлкен сауда орындары мен №2 Мұрагер мектебінің ауласына, Қорқыт ата атындағы ҚМУ ғимараттары жанына қойылды. Бұл өз кезегінде адамзатты алаңдатқан алапат дертті ауыздықтауға белсенді ықпал етпек. Сондай-ақ, сала мамандары қала тұрғындарын карантиндік талаптарды қатаң сақтауға шақырады.
Осыған орай жаһан індетін ауыздықтау мақсатында еліміздің басым өңірлерінде карантиндік талаптар күшейтіліп, залалсыздандыру шаралары тағы да қарқын алды. «Қамданған қапы қалмайды» демекші, бұл бағыттағы жұмыстар қаламызда да қайта жанданып, дезинфекциялаудың үшінші кезеңі басталды. Бүгінде инфекция таралуының алдын алу мақсатында №66597 әскери бөлімі мен арнайы мекемелер арқылы бекітілген қызметкерлер уақытпен санаспай қызмет көрсетуде. Осыған дейін қала аумағында 6 миллионға жуық шаршы метр жер қауіпсіздендіріліп, дезинфекциялаудың ағымдағы кезеңінде 500 мың шаршы метр аумақ залалсыздандырылып үлгерген. Оған 28 арнайы техника мен 200-ге жуық қызметкер тартылған. Көбіне адамдар көп шоғырланатын жерлер, көпқабатты тұрғын үй аулалары, демалыс паркі, дүкендер мен сауда орындары және аялдамаларға гипохлорид кальций ерітіндісі қосылған арнайы қоспа шашылып, тұрғындар қауіпсіздігін барынша қамтамасыз етуде.
– Қазір жаз мезгілі болған соң балаларды үйде ұстап отыру қиын. Індеттің қаншалықты қауіпті екенін түсіндіріп бақсақ та, бала болған соң паркке, ойын алаңдарына барғысы келіп тұрады. Жақында қалалық мәдени және демалыс паркіне залалсыздандыру тоннелі орналастырылғанын көріп қуанып қалдым. Құрылғы жанындағы арнайы полиция қызметкерлері келушілерге қатаң бетперде кию режимін ескертіп, тоннель арқылы өтуді жіті қадағалап тұр. Ал, соңғы кезде таңнан кешке дейін төбені тескен аптапқа да қарамай көше, ауланы жаяу аралап, қоспа сеуіп жүрген әскери қызметкерлерді де жиі көріп жүрміз. Бұл кісілердің халық қауіпсіздігі жолындағы еңбегі ұшан-теңіз. Алғыстан басқа айтарымыз жоқ. Шындығына келгенде, денсаулық әркімнің өзіне керек қой, – дейді қала тұрғыны Гүлзира Смағұлова.
Айта кетейік, қазіргі таңда облыс орталығында тағы да 8 бірдей залалсыздандыру тоннелі орналастырылған. Олар үлкен сауда орындары мен №2 Мұрагер мектебінің ауласына, Қорқыт ата атындағы ҚМУ ғимараттары жанына қойылды. Бұл өз кезегінде адамзатты алаңдатқан алапат дертті ауыздықтауға белсенді ықпал етпек. Сондай-ақ, сала мамандары қала тұрғындарын карантиндік талаптарды қатаң сақтауға шақырады.
Бағлан ТІЛЕУБЕРГЕНОВА
