Біздің Мира мақтаулы
Мира Рахметова – қала әкімінің Алғыс хатын иеленді.
"Ақмешіт апталығы" газетінің дизайнері Мира Рахметова көп жылдан бері қызмет істейді. Оның еңбегін бағалап, Қызылорда қаласының әкімі Нұрлыбек Нәлібаев Алғыс хатпен марапаттады. Оны орынбасары Асқарбек Есжанов табыстады.
Мира Мырзабекқызы Рахметова.
1970 жылы Қызылорда қаласында дүниеге келген. Мамандығы – информатик-программист. №11 қазақ орта мектебін бітірген. 1988-1994 жылдары Қызылорда полиграфиясында баспагер, кітап, газет, бланкілер басушы жұмысын атқарған. 1994-1997 жылы «Сырдария» газеті баспа кәсіпорнында баспагер, терімші, «Сырдария» газеті редакциясында корректор қызметінде болды. 1997-2003 жылдары республикалық тәуелсіз «Тіршілік» газетінде корректор, терімші болған. 2003-2011 жылдары «Халық», облыстық «Ақмешіт апталығы», «Нұр» газеттердің дизайнері болып жұмыс істеген. 2011 жылдан «Сыр медиа» ЖШС мекемесіне қарасты қалалық «Ақмешіт апталығы» газетінің дизайнері болып қызмет етіп келеді.
