Кемеңгерліктің ұлы тұлғасы
Президент Қасым-Жомарт Тоқаевтың республикалық «Егемен Қазақстан» газетіне жарияланған «Тарихи тұлға тағылымы» атты танымдық мақаласында Елбасы Н.Назарбаевтың көшбасшылығы, кемеңгерлігі жөнінде керемет айтылған. Елбасы Нұрсұлтан Әбішұлы – мемлекеттігімізді орнатып, оны қалыптастырып, экономикасын реформалау арқылы өзін де, елін де әлемге мойындатқан заманның аса дарынды тұлғасы. Аз ғана жылдарда адам айтса нанғысыз атқарған қыруар ісі болашақ ұрпаққа аңыз болып жететіні сөзсіз. Біз оның қайраткерлігі мен даналығын жастарға насихаттауға тиіспіз. Осы тұрғыда мақалада Қасым-Жомарт Тоқаев: «Қазақстанның білімі мен ғылымын дамытуға ден қоямыз. Бұл – ел экономикасы мен келешегі жолындағы нақты қадам. Болашақта қазақстандықтардың адами әлеуеті жоғары болуы қажет» деп жазған. Осы үдеден шығуға жастарды шақырамын.
Бауыржан МАСТЕКОВ,
Қызылорда облысы кәсіподақтар орталығы жанындағы «Келешек» жастар кеңесінің төрағасы
