Үкіметке пандемияның статистикасын біріздендіру міндеттелді
Бұл туралы Мемлекет басшысы Қасым-Жомарт Тоқаев өзінің туиттерінде жазды, деп хабарлайды Egemen.kz.
«Үкіметке пандемияның статистикасын біріздендіру міндеттелді. Азаматтардың денсаулығы мен өміріне коронавирустан бөлек, өкпе қабынуы да үлкен зардабын тигізіп отыр.
Пандемия ахуалы туралы барлық ақпарат қанша жерден ащы болса да, оны қоғам білуге тиіс. Жариялылық пен өзара сенім болғанда ғана, біз бірлесе отырып бұл індетті тезірек жеңеміз», – делінген жазбада.
