Волонтерлер орталығының еріктілері онлайн кездесу өткізді
Бүгін облыстық Қазақстан халқы ассамблеясының волонтерлер орталығының еріктілері Кәмелетке толмағандарды бейімдеу орталығының тәрбиеленушілерімен онлайн кездесу өткізді.
Онлайн кездесудің мақсаты орталық тәрбиеленушілерін серпілту, карантин уақытында жаз мезгілін тиімді әрі қызықты өткізуге бейімдеу болып табылады.
Кездесу барысында балаларға облыстық ҚХА волонтерлер орталығының белсендісі, «Жаңғыру жолы» жастар қозғалысының төрайымы Алина Новикова түрлі фокустар көрсетіп, бұл бағытта балалардың қызығушылығын арттырды. Қолға зиян келтірмей от жағу, Кім шапшаң? логикалық ойындарын ойнатып, көңілдерін көтерді.
Орталық тәрбиеленушілер тарапынан сұрақтар қойылып, оларға волонтер орталығының атқарған жұмысы мен мақсат-міндеттері туралы облыстық Қазақстан халқы ассамблеясының волонтерлер орталығының жетекшісі Гүләйім Мәлік толыққанды мағлұмат берді.
Облыстық Қазақстан халқы
ассамблеясының баспасөз қызметі
