Қала әкімінің орынбасары онлайн форматта жеке қабылдау жүргізді
Қала әкімінің орынбасары, әдеп жөніндегі уәкіл Есжанов Асқарбек Темірбекұлы "Zoom" платформасы арқылы тұрғындарды жеке сұрақтары бойынша онлайн қабылдау өткізді.
Онлайн жеке қабылдау барысында болған азаматтар әлеуметтік мәселер бойынша сұрақтарын жолдап, оның ішінде жаңа оқу маусымында балалардың қажетті оқу құрал жабдықтарымен, онлайн білім алуға мүмкіндік беретін техникалық құрылғылармен қамтуға мүмкіндік қарастыру бойынша мәселелерін көтерді.
Азаматтардың өтініштерін жедел қарап, «Мектепке жол» қайырымдылық акциясы аясында мәселенің оң шешімі табылуын қалалық білім бөліміне жүктеді.
Енгізілген карантиндік шектеулер ескеріле отырып, жаңашыл байланыс құралдарын қолдану арқылы азаматтарды қашықтықтан қабылдау алдағы уақытта жалғасын табатын болады.
