Стамбулдағы даңғылға Абай есімі берілді
Cтамбул даңғылдарының біріне қазақтың ұлы ағартушысы Абайдың есімі берілді, деп хабарлайды Stan.kz ақпарат агенттігі.
Бұл туралы Түркияда тұратын қазақ диаспорасының кездесуі кезінде белгілі болды.
Стамбулда тұратын қазақтардың көпшілігі Зейтинбурну аймағында тұрады. Диаспора өкілдері үнемі кездесіп, қаланың әлеуметтік өміріне белсенді қатысады.
Стамбулдағы Қазақстан консулдығы ұйымдастырған соңғы кездесу аясында өткен ғасырдың 50-ші жылдары Түркияға қоныс аударған қазақтардың ұрпақтары жиналды.
"Бүгінгі кездесуде көптеген маңызды мәселелер талқыланды. Стамбулда тұратын жергілікті қазақ жастары консулға өз сұрақтарын қойды. Ал біздің ай сайынғы "Қазақ елі" журналымыздың кезекті нөмірін Абайға арнады. Мұндай кездесулер жалғасады деп үміттенеміз", - деді түрік қазақтары бірлестігінің басшысы Ертолқын Ғайретуллах.
Телеарна атап өткендей, Түркия тұрғындары Абаймен жақсы таныс. Әр түрлі қалаларда ақынның құрметіне көшелер мен саябақтар аталған. Классиктің есімі Стамбулдағы мектептердің біріне берілген. Ал жақын арада Стамбулдағы үлкен даңғылға Абай есіме беріледі. Сонымен қатар, диаспора өкілдері үшін қазақ тілінен қосымша курстар енгізілуде.
"Мен Стамбулда туып-өскен қазақпын. Сондықтан мен үшін қазақ тілін үйрену өте маңызды. Біз осындай кездесулерді жиі өткізуге келістік. Егер біз үнемі кездесіп отырсақ, ана тілімізді үйреніп, бірлігімізді нығайта аламыз", - деді Стамбул тұрғыны Гаппар Орхун Ақдаг.
Стамбул сияқты үлкен қалада Абай құрметіне көше атау оңай шаруа емес. Анкарадағы Қазақстан елшілігі мен Стамбулдағы консулдықтың күш-жігерінің арқасында бұл мәселе тез шешілді.
