Жүлде құтты болсын, Сыр елі!
Ақжайықтың төрінен ақжолтай хабар келді. Айтыс ақтаңгері, екі мәрте «Алтын домбыра» иегері Мұхтар Ниязов Оралда өткен республикалық айтыста жеңіс тұғырынан көрінді.
Жұбан Молдағалиев пен Қадыр Мырза-Әліге арналған «Жайықтың қос қыраны» атты жыр додасына барлығы он алты ақын қатысты. Айтысқа Қазақстанның Еңбек Ері Асанәлі Әшімов бастаған қазылар алқасы баға берді. Жерлесіміз айтыс барысында белгілі айтыскер Жансая Мусинамен сөз қағыстырып, қазылар тарапынан жоғары бағаға ие болды.
Мұхтар Мәуленұлын жеңісімен құттықтай отырып, алдағы айтыстарына сәттілік тілейміз. От ауыз, орақ тілді жыр жампоздары бақ сынаған өнер бәйгесінде осылайша Сырдың мерейі үстем болды.
Жүлде құтты болсын, Сыр елі!
Тұрар БЕКМЫРЗАЕВ
