Қызылордалық полицейлер алаяқты қолға түсірді
28 қыркүйекте Қызылорда қалалық Полиция басқармасының кезекші бөліміне алаяқтық дерегі бойынша облыс орталығының 23 жастағы тұрғыны арызданған.
Ағымдағы жылдың тамыз айында белгісіз әйел оның сеніміне кіріп, алдау жолымен 250 000 теңге көлемінде ақшасын алғаны анықталды.
Жұмысқа орналасуға көмек беремін деп өз уәдесін орындамаған әйел қашып жүрген.
Жедел-іздестіру шаралары барысында күдікті ұсталды. Ол Қызылорда қаласының 29 жастағы тұрғыны болып шықты.
Күдіктіге қатысты ҚР ҚК 190-бабы 1-бөлігіне сәйкес сотқа дейінгі тергеп – тексеру жүрігізілуде.
Қызылорда қаласы Полиция басқармасының баспасөз қызметі
