Ұлттық банк доллардың неліктен қайта қымбаттағанын түсіндіріп берді
Ұлттық банк төрағасының орынбасары Әлия Молдабекова қыркүйектегі валюта нарығындағы жағдай туралы сөз қозғады деп хабарлайды.
"Қыркүйекте нарықтар өте құбылмалы болды. Коронавирустың екінші рет қайталануы Еуропаның бірқатар елдерінде және Ұлыбританияда байқалып отыр, бұл бірінші кезекте былайша айтқанда "сентиментке" немесе әлемдік нарықтардағы ахуалға әсер етеді. Бірқатар әлемдік орталық банктердің негізгі мөлшерлемелер бойынша шешімдері, геосаяси тәуекелдердің өсуі, сондай-ақ АҚШ-та алдағы уақытта болатын президент сайлауы ерекше назарда болды. Австралияның, Канаданың, Евуроаймақтың, Англияның, АҚШ-тың, Ресей мен Қытайдың орталық банктері негізгі мөлшерлемелерді бұрынғы деңгейде сақтады, бұл талдаушылардың күтулеріне сәйкес келді. ФРЖ инфляция біраз уақыт бойы 2%-дан асқанға дейін мөлшерлемені 0,00–0,25% деңгейінде ұстап тұруға ниетті", - деді ол. Коронавирус жағдайына байланысты алаңдаушылық инвесторларды АҚШ-тың қазынашылық облигациялары сияқты қауіпсіз активтерге көшуге итермелейді. Америка валютасының дамыған нарықтардың негізгі валюталарына қатысты серпінін көрсететін доллар индексі екі айлық шарықтау шегіне жетіп, қыркүйектің соңына қарай 1,9%-ға нығайды.
