Ақмешіт апталығы

 Арман-мылқау адамды сөйлететін, заттарға жан бітіретін нәрсе. Барлығымыз армандаймыз, тек сол арман қаншалықты орындалуы мүмкін? Қазіргі жастардың арманын  сұрасаңыз - қымбат көлік, бизнес, үй деп айтып жатады. Ал менің ойымша арман қол жетпейтіндей болуы керек, әйтпесе бизнестіде, үйдіде бәрінде ала-аламыз, тек талпыныс болса болғаны. Бұл жағдайда бұл нәрсе арман емес, жәй ғана ертеңге жоспар болады. Жоспар құруды-мен ертеңгі нәрсені бүгін жобалау деп ойлаймын. Арман туралы әр адам, әрине өзгеше ойлауы мүмкін, себебі әркімнің арманы әртүрлі. Адамға Алланың берген ерекше қасиеті — армандай білу. Ең бастысын айтсам –адамдардың бәрі мейірімді болса екен, жер бетінде тыныштық пен бірлік болса екен деймін. Сол жағдайда ғана барлық адамдардың арманы орындалады.

Менің жоспарыма келер болсақ, мен Қазақстанды дамытуды мақсат етемін. Яғни шет елдермен байланыста болып, олармен жақсы келісім шарттарға отырып, елдің индустриясын арттырсам деймін. Жоспар мен арманның айырмашылығы осы, жоспарды адам жүзеге асырады, ал арманды көбісі асыра алмайды.

Армандаудың пайдасы:

-Адам армандай бастағанда оның бойында алға жылжуына қажетті энергия туындайды. Соның арқасында талпынады, кедергімен күреседі. Тіпті сол энергияның ықпалымен миымыз табысқа жетудің, қиындықтан шығудың бірнеше нұсқасын ойлап таба алады.

-Адам бойындағы жалқаулықты жеңуге көмектеседі.

-Әдетте шабыт қалаған уақытыңызда келе қоймайды. Ал жүрегіңізде арманыңыз болса, сіз үнемі шабыттанып жүресіз.

Жоспарлау көп нәрсеге септігін тигізіп жатады. Жоспардың арқасында адамдар өзін-өзі дамытады, алға қарай ұмтылыс пайда болады.

                                                     

И.Әбдікәрімов атындағы Қызылорда 
                                                аграрлық-техникалық жоғары колледжі.
                                                 Жеңіс Бегімбаев,
«Политехникалық мамандықтары» бөлімшесі,
                                                  ТС-17о оқу тобының оқушысы