БОКСШЫ АРМАН РЫСБЕК АРГЕНТИНАДА ЖЕҢІСКЕ ЖЕТТІ
Қазақпарат - Қазақстандық кәсіпқой боксшы Арман Рысбек кезекті жеңісіне қол жеткізді, деп хабарлайды «SPORTINFORM» САА.Бүгін Буэнос-Айресте Арман орта салмақта жергілікті былғары қолғап шебері Виктор Леонардо Лотомен рингке шыққан болатын. Жекпе-жек толық 4 раундқа созылды. Бұл қазақстандық боксшының екінші жеңісі, ал Лото осымен екінші мәрте жеңіліс тауып отыр. Еске сала кетейік, осы жылғы ақпан айында Арман Рысбек алғаш рет кәсіпқой рингке шығып, АҚШ боксшысы Джон Морхаусты өз елінде сұлатып салған еді.
