Қызылордада өртенген қорада үш сиыр жанып кетті
Сырдария ауданына қарасты Шіркейлі ауылында мал қора отқа оранып, үш сиыр өртеніп кетті.Оқиға Шіркейлі ауылындағы Ыдырысов көшесіндегі үйлердің бірінде болды. Ол жөнінде Сырдария аудандық №12 өрт сөндіру бөлімінің бекетіне хабарлама келіп түскен. Аталған бөлімнен оқиға орнына 4 қызметкер 1 техникамен барды.
«Мамандар барлау жұмыстарын жүргізіп, мал қора мен 300 пресс жоңышқа, 250 бау қамыс және 3 сиыр жанғаны анықталды. Құтқарушылар 4 сиырды аман сақтап қалды. Оқиға барысында ешкім зардап шеккен жоқ. Өрттің шығу себебі анықталуда», – деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметі.
