Қызылжарма ауылдық округінің тұрғындары арасында «Өнегелі отбасы» анықталды
Бүгін Қызылжарма ауылдық округінің отбасылары арасында "Өнегелі отбасы" онлайн байқауының марапаттау рәсімі өтті.Отбасы құндылықтарын насихаттауға бағытталған байқауда 13 отбасы бақ сынасты.
Қатысушылар байқау шарттары бойынша «онлайн» түрде «Таныстыру» мен «Отбасы құндылығы» кезеңдерінде берік, бақытты, өнегелі, үздік отбасы үлгісін насихаттады.
Қазылар алқасы жеңімпаздарды отбасылық дәстүр мен жәдігер, отбасының рухани – адамгершілік құндылықтары, ата-аналарының үлгі тұтарлық жетістіктері және т.б критерийлері бойынша бағалап, анықтады.
Нәтижесімен байқауда І орын екі отбасыға беріліп, «Мәуленқұловтар» отбасы мен «Жарқынбековтер» отбасы марапатталды. Ал, ІІ орын – «Дідебаевтар» отбасы, ІІІ орын «Кенжебековтер» отбасы мен «Шердәулетовтер» отбасына бұйырды. Жеңімпаздар диплом және бағалы сыйлықтармен марапатталды.
Айта кету керек, байқау қалалық ішкі саясат бөлімінің әлеуметтік тапсырысы "Қоғамдағы отбасы мәртебесі мен ата-ана тәрбиесін арттыру бағытындағы" әлеуметтік қызметі аясында "Самұрық" инновациялық идеяларды дамыту орталығы" қоғамдық қорының ұйымдастыруымен өткізілді.
