"Қайырымдылық керуені"
"Қайырымдылық керуені" республикалық конкурсы 5 номинация бойынша өткізілуде.1. Халықтың салт-дәстүрі бойынша қайырымдылық көрсеткен азаматтарға арналған "Асар" номинациясы.
2. "Туған жер" номинациясы. Бұл номинацияға өзінің туған жерін абаттандырып, білім мен экология саласында көмек көрсетіп, мәдени нысандарды қалпына келтіруге атсалысқан азаматтар қатысады.
3. "Батыл жүрек" номинациясы батылдығымен, қайсарлығымен ерекшеленген қатысушыларға арналған.
4. "Мейірім жолында" номинациясы игі істердің қасында тұрақты түрде табылатын, айналасындағыларға көмегін аямайтын ерікті жандарға арналған номинация.
5. "Қайырымдылық тарихы" номинациясы бұқаралық ақпарат құралдарында қайырымдылық тақырыбын насихаттап, қоғам назарын әлеуметтік мәселелерге аударатын материалдар жариялаған журналистер мен шығармашылық ұжымдарға арналған.
Пилоттық жобаны Қазақстанның Іскер әйелдері қауымдастығы Қазақстан Республикасы Тұңғыш Президенті - Елбасы қоры және "Хабар" агенттігімен бірлесе отырып ұйымдастырады.
Конкурсты қорытындылау, жеңімпаздарды марапаттау рәсімі Алғыс айту мерекесі қарсаңында Алматы қаласында салтанатты түрде өтеді.
