ҚАЗАҚСТАН ҚҰРАМАСЫНЫҢ ОЙЫНШЫСЫ «ҚАЙСАРҒА» КЕЛУІ МҮМКІН
Тәжірибелі қорғаушы Марк Гурман «Қайсардың» Түркиядағы оқу-жаттығу жиынына қосылды. Бұл дайындық ол елдің Анталья аймағында қткізілуде.
Марк Гурман 1989 жылдың 9 ақпанында Алматы қаласында дүниеге келген. Кәсіби футболдағы қадамын 2008 жылы Израильдің «Хапоэль» (Петах-Тихва) командасында бастаған. 2009-2010 жылдарда «Маккаби» Ахи клубы жалға алды. Оданк кейінгі жылдарда Қазақстанның «Астана» және «Қайрат» клубтарының намысын қорғаған ол 2016 жылдан бері «Тобыл» сапында жасыл алаңға шықты. Ол еліміздің ұлттық құрамасы жейдесін 2011-2015 жылдарда 25 мәрте киген.
Айта кетелік, оның әкесі Михаил Гурман да елімізге белгілі футболшы. Михаил Гурман 1974 жылы Қызылорданың «Орбита» (қазіргі «Қайсар») клубында 25 ойын өткізіп, қарсыластар қақпасына 15 доп соққан еді.
