МЕДИЦИНА САЛАСЫ БАСТЫ НАЗАРДА
Қаламызда жыл сайын денсаулық сақтау нысандарының саны көбеюде. Денсаулық сақтау саласына көрсетілген қолдаулардың нәтижесінде 2017 жылы ана өлімі тіркелген жоқ, бала өлімі 2016 жылмен салыстырғанда 35,9 пайызға төмендеді. Жыл өткен сайын аймағымызда демографиялық өсім қалыптасып, былтырдың өзінде 8 мың 189 сәби дүниеге келді. Биылғы жылы, қалаға қарасты Бірқазан, Талдыарал елді мекендерінде мемлекеттік-жекеменшік әріптестік аясында екі медициналық бекет пайдалануға берілді.
