«СЫРДАРИЯ-ЖЫРДАРИЯ» АТТЫ КОНЦЕРТ БОЛЫП ӨТТІ
А.Тоқмағамбетов атындағы қалалық мәдениет Үйінде «Сырдария-Жырдария» атты концерт болып өтті. Оны Қызылорда қалалық мәдениет және тілдерді дамыту бөлімінің ұйымдастырды. Бұл шара Елбасының «Болашаққа бағдар: рухани жаңғыру» бағдарламалық мақаласы аясында өткізілді. Онда Қызылорда қаласының 200 жылдық мерейтойына орай Сыр бойы сазгерлерінің шығармашылығынан туындылар орындалды. Аталмыш шарада Сыр еліне танымал композиторлардың әндері жанды дауыста шырқалды.
