ҚЫТАЙЛЫҚ ЕКІ АЗАМАТ БАЙЛЫҒЫН ДӘЛЕЛДЕУ ҮШІН АҚША ӨРТЕДІ
Қытайдың Аньхой провинциясында екі азамат бір-біріне байлығын дәлелдемек болып бума-бума ақша өртеді, деп хабарлайды Baq.kz ақпарат агенттігі. Бұл туралы SCMP жазды. "Байпатшалардың" екеуі де мас болған. Олардың бәсін тамашалаушылардың бірі видеоға түсіріп алып, артынша әлеуметтік желіде таратып жіберген. Әуелі 100 юаньмен бастаған байшыкештердің қанша ақшаны күлге айналдырғаны белгісіз.
"Біз 500 данаға дейін жеткіземіз деп ойлағанмын. Егер оған ақшаң жетпесе, аулақ жүр" - дейді біреуі қарсыласына.
Дегенмен олардың бұл әрекеттерін жергілікті полиция қызметі тоқтатып, ұлттық валютаны құрметтемегендері үшін әрқайсысына 160 доллар көлемінде айыппұл салды.
baq.kz
