ОҢТҮСТІК КОРЕЯЛЫҚ ТЕЛЕАРНАДАН ДЕНИС ТЕН ТУРАЛЫ ДЕРЕКТІ ФИЛЬМ КӨРСЕТІЛДІ
Оңтүстік Кореяның KBS 1 телеарнасынан қазақстандық мәнерлеп сырғанаушы Денис Тен туралы деректі фильм көрсетілді, деп хабарлайды Today.kz. "Мұз астына жасырынған" атты деректі фильм Youtube.com желісіне жарияланды. Деректі фильмде Денис Теннің бала кезінен кадрлар көрсетілген. Бала Денистің хорда ән шырқағаны, мұз айдынына жаңа қадам басқаны бейнеленген сирек кадрлар да жарияланды. Денис Тен орыс және ағылшын тілдерінде өз өмірі жайлы баяндаған. Әсіресе әжесі жайлы жылы естеліктерді ерекше тебіреніспен жеткізген. Әжесінің Денистің маңдайынан сүйіп тілек айтқан сәті де деректі фильмде бар.
