МҰЗ ҮСТІНДЕ ЖҮРГЕН ӘЙЕЛ ҚҰТҚАРЫЛДЫ
«Оңтүстік өңірлік аэроұтқыр жедел құтқару жасағы» мемлекеттік мекемесінің жедел кезекшісіне Набережная №1 үй маңында, Сырдария өзенінде мұздың үстінде белгісіз азаматша жүргені жөнінде хабарланды.Шақыру бойынша жасақтың 5 құтқарушы 1 бірлік техникамен жедел шықты. Шақырылған жерде құтқарушылар ери бастаған мұздың үстінде бейтаныс азаматша жүргенін көрді. Құтқарушыларды байқаған әйел Халыққа қызметкер көрсету орталығының қасындағы жаңа көпірге қарай жүгірді. Құтқарушылар жағдайды анықтап дереу құтқару ісіне кірісті. Олар көпірден асып бара жатқан мас күйіндегі әйелді жағаға шығарды. Жағада азаматша өзінің қылықтарын, суицид жасағысы келгенін айтып түсіндірді. Содан кейін құтқарушылар азаматшаны оқиға орнына келген полиция қызметкерлеріне тапсырды.
Дәурен ТАҢАТАРОВ,
Қызылорда облысы.
