БАЛА БАҚЫТЫ – АНА БАҚЫТЫ
«Нұр Отан» партиясы «Теміржол» филиалының ұйымдастырумен 8 наурыз Халықаралық әйелдер күні мерекесіне орай «Бақытты отбасы –бақытты балалық шақ» жоба аясында «Бала бақыты - Ана бақыты» атты тақырыпта көп балалы теміржолшы аналармен кездесу өтті.
Көп балалы аналарды мерекемен құттықтау оларды қолдау арқылы қоғамдық пікірді қалыптастыру, туындаған проблемалық мәселелерін тыңдау, оны шешуде мемлекеттік органдар мен азаматтық қоғамды жұмылдыру мақсатында өткен шараға «Нұр Отан» партиясы «Теміржол» филиалы төрағасының бірінші орынбасары Базара Танбаева және көп балалы отбасында тәрбиеленген 6-10 жас аралығындағы балалары қатысты.
Кездесу барысында аналардың проблемалық мәселелері тыңдалып, оның шешілуіне ықпал жасалу жұмыстары назарда болатыныны айтылды. Сонымен бірге теміржолшы аналардың балалары өз қолдарымен дайындаған туындыларын ұсынып, анасына мерекелік ақ тілектерін арнады. Анаға құрмет көрсетудегі әсерлі дайындалған жүректен шыққан жылы сөздері мен өлеңдері үшін ана бақыты 4 бірдей балаға ертегі әлеміне саяхат кітабы мен ақшалай сыйлықтар берілді .
Бүгінгі күні қиын да қызықты салада ер азаматтармен иық тіресіп саламыздың дамуына өзіндік үлестерін қосып отырған нәзік жандар деп аталған аналар5а алғыс хаттар табысталды.
Кездесуге келген аналар жоба аясында жасалып жатқан бүгінгі іс-шараны ұйымдастырған партияластарға үлкен алғыстарын білдірді.
