ШИЕЛІ АУДАНДЫҚ ФИЛИАЛ ТӨРАҒАСЫ САЙЛАНДЫ
«Нұр Отан» партиясы Шиелі аудандық филиалының кезектен тыс ХХІІ конференциясы өтті.Конференция жұмысына «Нұр Отан» партиясы Қызылорда облыстық филиалы төрағасының бірінші орынбасары Ибадулла Құттықожаев, Шиелі ауданы әкімі Әшім Оразбекұлы, «Нұр Отан» партиясы Шиелі аудандық филиалы төрағасының бірінші орынбасары Патима Маханбет қатысты.
Партияның Жарғысына сәйкес «Нұр Отан» партиясы Шиелі аудандық филиалы Саяси кеңесінің мүшелері, партия ардагерлері мен белсенділері, аудандық мекеме басшылары, ауылдық округ әкімдері, үкіметтік емес ұйымдарының өкілдері, «Жас Отан» Жастар қанатының мүшелері, бұқаралық ақпарат құралдарының өкілдері және 30 бастауыш партия ұйымдарынан сайланған 62 делегаттар қатысып, күн тәртібінде «ҚАЗАҚСТАН – 2021: Бірлік. Тұрақтылық. Жасампаздық» партияның Сайлауалды бағдарламасының Шиелі ауданында орындалуы туралы; «Нұр Отан» партиясы Шиелі аудандық филиалының төрағасын сайлау туралы; «Нұр Отан» партиясы аудандық филиалы Саяси кеңесінің құрамына өзгерістер енгізу туралы мәселелер қаралды.
