АҚШ-ТА ЕКІ БАСТЫ ЖЫЛАН ТАБЫЛДЫ
АҚШ-тың Флорида штатында жергілікті фермер жаңа туылған екі басты жыланды тауып алды.
Бұл туралы National Geographic сайтына сілтеме жасап Stan.kz хабарлайды. Ер адам жыланды мал дәрігеріне апарыпты. Ол жыланның басы ғана емес, жүрегі мен ас қорыту жолдары да екеу екенін анықтаған. Мұндай жағдай табиғатта сирек кездеседі. Мамандардың айтуынша, ас қорыту жолдарының бөлек болуы, жыланның жабайы ортада өмір сүру мүмкіндігін төмендетеді екен. «Мұндай жыландардың көбі ұзақ өмір сүрмейді. Себебі жеткілікті түрде қоректене алмайды. Сонымен қатар олардың бүйрегі ортақ болуы және сол себепті зәр шығаруда қиындықтар болуы мүмкін», – дейді мал дәрігері Лора Тилен.
