ҰЛТТЫҚ ОЙЫН ҰЛАҒАТЫ
Тоғызқұмалақтан мемлекет және қоғам қайраткері Нәлқожа Ергешбаевты еске алуға арналған тоғызқұмалақтан халықаралық турнир мәресіне жетті. Биыл 11 мәрте ұйымдастырылып отырған шара оқушылар үйінің ғимаратында өтті. Оған 10 мемлекеттен 220-ға жуық спортшы қатысып, ұлттық ойынды ұлықтады.
Турнирдің ашылу салтанатында облыстық ардагерлер кеңесінің төрағасы Сейілбек Шаухаманов, дене шынықтыру басқармасының басшысы Олжас Әкімов өз лебіздерін білдірді.
Сайыс қорытындысында 15 жасқа дейінгі жасөспірімдер арасында қыздардан Балнұр Айжарық және ұлдар арасында Дамир Ахметов жеңімпаз атанды. Сондай-ақ Зарина Асибек, Бексайыр Айтмаханов, Гүлзат Қыстаубаева және Жарылқасын Беркінбаев жүлделі орындардан көрінді. Ерлер мен әйелдер арасындағы сайыста Әсел Далиева мен Ғалымжан Темірбаев үздік шықса, Салтанат Сапарбекова, Саят Жандарбек, Айтұрган Мақсатбекқызы, Бексұлтан Бостандықов үздіктер қатарынан көрінді.
Ақерке СЕЙІТОВА,
ҚМУ-дің IV курс студенті.
