«ЖАСТАР ТАҢДАЙДЫ»
Ә.Тәжібаев атындағы облыстық әмбебап ғылыми кітапханасында «Жастар таңдайды» – «Молодежь предпочитает» жобасы жүзеге асырылмақ.Жастарды кітап оқуға шақыру, оқу мәдениеті мен талғамын қалыптастыруға бағытталған жобаның мақсаты – жастарды кітап оқуға ынталандыру, әдеби талғамын қалыптастыру, насихаттау, таңдамалы 100 кітапты анықтау.
Жоба аясында видеороликтер байқауы ұйымдастырылып, әлеуметтік желілерде орнастырылады. Жастар өздері сүйіп оқитын кітаптары туралы видеороликтер түсіріп, замандастарына ұсыну мүмкіндігіне ие болады. Айта кетейік, кітап таңдауында жанр мен оның түріне шектеу болмайды. Аталмыш бағытты көздеген шарада «Жұлдыздар не оқиды?» кездесу кеші, «Жастар, компьютер және интернет» атты дебат және өзге де шаралар ұйымдастырылмақ.
Б.ЖАРЫЛҚАПҚЫЗЫ.
