ТҮРКИЯДА 85 МЛН ДОЛЛАРҒА БАҒАЛАНҒАН ҮЙГЕ КЕМЕ СОҒЫЛДЫ
Түркияда Vitaspirit кемесі Босфор бұғазында тұрған үйге соғылды, деп хабарлайды Baq.kz ақпарат агенттігі РИА Новости-ға сілтеме жасап.Оқиғадан ешкім зардап шекпеген.
Куәгерлер кеменің үйге барып соғылған сәтін видеоға түсіріп үлгеріпті. Оқиға кеше Стамбулдағы Анадолухисар ауданында болған.
«Мысырдан Украинаға кетіп бара жатқан кеменің рөлі істен шығып, Сұлтан Мехмед Фатих көпірінің жанындағы үйге барып соғылды. Оқиғадан ешкім зардап шеккен жоқ. Бірақ ғимаратқа айтарлықтай залал келген», - делінген агенттік таратқан хабарламады.
Айта кетейік, қирап қалған үй XVIII ғасырда салынған. Оның нарықтағы бағасы – 85 млн доллар.
