ЖАНАШЫР АЗАМАТТАРҒА ҚҰРМЕТ
Қала әкімі Нұрлыбек Нәлібаевтың төрағалығымен өткен аппарат мәжілісінде бірқатар қала кәсіпкерлері марапатталды.Үстіміздегі жылдың 28 ақпанында Титов тұрғын ауданында орналасқан жатақхананың адам тұрмайтын бөлігі құлап, төтенше жағдай орын алған болатын. Төтенше жағдай барысында қала әкімдігі тарапынан жедел шаралар қолданды. Оқиға орнынан 50 отбасы қауіпсіз жерге көшірілген еді. Сол жандарды баспанамен қамту мақсатында, құрылысшы кәсіпкерлерінің демеушілігімен 50 млн. теңгеге жуық қаржыға қала көлеміндегі 9 көпқабатты үйлерге жөндеу жұмыстарын жүргізіп, аталған отбасылар толықтай пәтерлерге орналастырылды.
Осыған байланысты, төтенше жағдай орын алған уақытта дер кезінде қолдау көрсетіп, демеушілік жасағаны үшін, қаланың әлеуметтік-экономикалық дамуына зор үлес қосып жүрген бірқатар құрылыс компаниясының басшылары мен кәсіпкер азаматтар Қызылорда облысының «Құрмет» грамотасымен марапатталды. Сондай-ақ, төтенше жағдай кезінде әлеуметтік көңіл-күйдің тұрақталуына қосқан ерекше қызметі үшін «Қызылорда» телеарнасының тілшісі Елжас Әбділдәға облыс әкімінің «Алғыс хаты» табысталды.
«Осы игі істеріңіз үшін барлықтарыңызға қала халқы атынан шынайы алғысымды білдіремін» – деді қала әкімі Н.Нәлібаев.
Айтолқын АЙТЖАНОВА.
