APPLE ҚЫЗЫЛ ТҮСТІ IPHONE ШЫҒАРДЫ
Apple корпорациясы сыртқы корпусы қызыл түсті iPhone 8 нұсқасын таныстырды, деп хабарлайды Baq.kz ақпарат агенттігі lenta.ru-ға сілтеме жасап.iPhone-ның жаңа нұсқасы қайырымдылық негізінде шығарылған. Бағдарлама RED деп аталады. Сондықтан арнайы құрылғыдан түскен қаржының жартысы жаһандық СПИД-пен күрес қорына беріледі.
Қызыл түсті корпусы бар iPhone 8 және 8 Plus нұсқасы ғана бар. Ал корпусы қызыл болатын iPhone X шығарылмайды.
Смартфондарды сату 13 сәуірде басталады. Олардың бағасы шамамен 700 АҚШ доллары шамасында болмақ.
Еске сала кетсек, Apple корпорациясы осындай қайырымдылық негізінде 2017 жылдың наурызында қызыл түсті iPhone 7 шығарған болатын.
