БҰРЫНҒЫ ӨКІЛ ИМАМ «ЗЕКЕТ» ҚОРЫНЫҢ ДИРЕКТОРЫ БОЛЫП ТАҒАЙЫНДАЛДЫ
Бүгін Қазақстан мұсылмандары діни басқармасының төрағасы Серікбай қажы Ораздың бұйрығымен Талғат Омаров ҚМДБ жанындағы «Зекет» корпоративтік қорының директоры болып тағайындалды.Алматы қаласында өтіп жатқан Төралқа мәжілісінде Бас мүфти Серікбай Сатыбалдыұлы Талғат Омаровтың Қызылорда облысының өкіл имамы қызметін атқарған кезеңде жүзеге асырған игі жұмыстарына оң баға беріп, жаңа лауазымды қызметіне сәттілік тіледі.
Бас мүфти осыған дейін «Зекет» корпоративтік қорының директоры болған Әлішер Спановқа алғысын білдіріп, жылы лебізін жеткізді. Қазақы дәстүрге сай, иығына шапан жапты.
