ТҮСІНДІРУ ЖҰМЫСТАРЫ ЖҮРГІЗІЛДІ
Азаматтық қорғау гарнизоны қызметкерлері арасында сыбайлас жемқорлыққа қарсы заңнамаларды, жолда жүру ережелерін бұзу фактілерінің алдын алу, салауаттық өмір салтын қалыптастыру, діни экстремизм мен терроризмге қарсы бағытта түсіндіру жұмыстарын жүргізу мақсатында Жаңақорған ауданының №10 өрт сөндіру бөлімінің мәжіліс залында жиналыс өткізілді.Жиналысқа «Нұр Отан» ХДП Жаңақорған аудандық филиалы төрағасы М.Балқожаев, Сыбайлас жемқорлыққа қарсы іс-қимыл ұлттық бюросының Қызылорда облысы бойынша департаменті Оңтүстік аймағы бойынша сыбайлас жемқорлыққа қарсы іс-қимыл ауданаралық басқармасының басшысы Р.Тілепов, Жаңақорған аудандық «Құмсаhаба» мешітінің бас имамы Е.Сейітжаппаров, «Аудандық емхананың» психологі Ж.Ысқақов, Облыстық «Дін мәселелерін зерттеу орталығының» Жаңақорған ауданы бойынша теолог маманы Ш.Айдаров қатыстырылды.
Жиналыс барысында азаматтық қорғау органы қызметкерлері арасында сыбайлас жемқорлықтың алдын алу мен нашақорлық және оның зардаптары, діни көзқарас мәселесі кеңінен түсіндіру жұмыстары жүргізілді. Бөлім қызметкерлеріне «Салауатты өмір салты», «Салауатты өмір салтына – «иә» деп жауап бер», «Есірткі профилактикасы» тақырыбында жадынамалар таратылды.
