ҚАЙРАТ НҰРТАС ОТБАСЫМЕН БІРГЕ КИЕЛІ АХМЕТ ЯССАУИ КЕСЕНЕСІНДЕ БОЛЫП ҚАЙТТЫ (ФОТО)
Отбасын халыққа таныстырып, Алматы мен Астанада үлкен концерт берген соң, Қайрат Нұртас Қазақстанның түкпір-түкпірін аралауға кірісті. Әнші жұбайымен және ұл-қыздарымен бірге гастрөлдетіп жүр, деп хабарлайды Stan.kz ақпараттық агенттігі.
Таяуда Қайрат туған жері Түркістан қаласына да атбасын бұрған. Сапар барысында хитмен өзін бағып-қаққан нағашы әжесінің ақ батасын алып та үлгерді. Жантебірентерлік сәттен сурет жариялаған Айдарбекова:“Нағашы әжелерімен. Қайратым: “Әже, сіз мені 3 айымнан бастап, мама-папаларым студент болғандықтан, Алматыға келіп бағып-қаққаныңыз үшін раxмет! Барған жеріңізде мені сағынып, ұзақ отыра алмай қайтып келеді екенсіз” – деп есіне салып отыр. Анашым, өз шаңырағыңызда, бізді жылы жүзіңізбен қарсы алып, амандығыңызбен қуандыра беріңізші”, – деп бөлісті Instagram-дағы парақшасында.
Бұдан кейін Айдарбековтер әулеті Түркістан қаласындағы киелі Қожа Ахмет Яссауи кесенесінде болып қайтты.
“Аллаға сыйын, Аллаға сүйен! Жарылқайтын да, жазалайтын да, жан дүниеңді
тазалайтын да – ол сенің иең”, – деп жазған Қайрат барша жанкүйерлерін сүйсіндірді.
