ТӨРТ ОБЛЫСҚА АУА РАЙЫНА БАЙЛАНЫСТЫ ЕСКЕРТУ ЖАРИЯЛАНДЫ
Қазақстанның төрт облысында ауа райына байланысты ескерту жарияланды, - деп хабарлайды ҚазАқпарат Қазгидрометке сілтеме жасап.22 маусым Қостанай облысының кей жерлерінде найзағай ойнап, дауыл тұруы мүмкін, батыстан соққан желдің жылдамдығы секундына 15-20 метрге дейін жетеді. 22 маусым Солтүстік Қазақстан облысының кей жерлерінде оңтүстік-батыстан секундына 15-20 метрге жететін жел соғуы ықтимал. Кей жерлерде найзағай жарқылдап, дауыл тұруы мүмкін, бұршақ жаууы ықтимал. 22 маусым күні күндіз Петропавлда оңтүстік-батыстан жылдамдығы секундына 15-20 метр болатын жел соғып, найзағай ойнап, дауыл тұруы мүмкін, бұршақ жаууы ықтимал. 22-23 маусым күндері Маңғыстау облысының кей жерлерінде ауа райының температурасы 39 градусқа дейін көтерілуі мүмкін. 22-24 маусым күндері Қызылорда облысының кей жерлерінде найзағай ойнап, солстүстіктен, солтүстік-батыстан жылдамдығы секундына 15-20 метрге жететін жел соғуы мүмкін. 23-24 маусым күндері дауыл тұрып, солтүстік-батыстан соғатын желдің ұйытқуы 15 м/с-ке жетеді, соңы бұршаққа ұласуы ықтимал.
