ҰСТАЗ – ҰЛЫ ТҰЛҒА
«Ақмешіт-Сырдария» орталық мешітінің кітапханасында ҚМДБ-ның Қызылорда облысы бойынша өкілдігі жанындағы «Әйелдер-қыздар» секторының ұйымдастыруымен «Ұстаз – ұлы тұлға» тақырыбында дөңгелек үстел өткізілді. Оған облыстағы «Әйелдер-қыздар» секторының ұстаздары қатысты. Жиын барысында мәртебелі мамандық иелерінің мәртебесі, білікті маман болудың қыр-сыры, ұстаз мен шәкірт арасындағы қарым-қатынас мәселелері талқыланған. Сондай-ақ, ұстаздар қауымы өзара кәсіби тәжірибелерімен бөлісіп, пікір-ұсыныстарын білдірді.Шара соңында ҚМДБ-ның Қызылорда облысы бойынша өкілі Болатбек Ұласқанұлы ұлағатты ұстаздарды мерейлі мерекесімен құттықтады. Оларды «Алғыс хаттармен» марапаттап, сый-сияпаттарын табыстады.
Айтолқын АЙТЖАНОВА.
