«БАРАХОЛКА» ҚОЙМАЛАРЫ ОТҚА ОРАНДЫ
Алматыда «барахолка» базары маңы қою қара түтінге көмілді, - деп хабарлайды ҚазАқпарат тілшісі.Қалалық ТЖД баспасөз хатшысы Сандуғаш Баймұхамбетованың айтуынша, түскі 13:41 шамасында өрт сөндіру қызметінің кезекші пультіне Жетісу ауданы, Москвин көшесі 7 мекенжайындағы ғимарат өртеніп жатқаны туралы хабарлама түскен. Алғашқы өрт сөндіру жасағы оқиға орнына 5 минутта жетті. Қазір өрт сөндірушілер тілсіз жаумен арпалысып жатыр. Қосымша ақпарат кейін хабарланады.
