ӨРТ СӨНДІРУШІЛЕР ЖАЛЫННЫҢ БЕТІН ҚАЙТАРДЫ
Бүгін, 2 қазанда сағат 11.30 шамасында Қызылорда қаласындағы Жаппасбай батыр көшесі №137 мекенжайында «Алмикс» ЖШС аумағында ағаш тұғырықтар ашық жалынмен жанып жатқаны анықталды. өрттің ауданы 625 шаршы метрді құрады. Бұл жөнінде Қызылорда облысы төтенше жағдайлар департаментінің өрт сөндіру және авариялық құтқару жұмыстары қызметі хабарлады.Қатты желдің қатерінен өрт жақын маңдағы қоймаларға таралуы мүмкін еді. Өрт сөндіру жетекшісі өрттің бағалауын жүргізді және келетін күш пен құралдары сауатты орналастыруды ұйымдастырды. Жүргізушілер суды үзіліссіз жеткізді. Қызылорда облысы ТЖД Өрт сөндіру және авариялық құтқару жұмыстары қызметі өрт сөндіру бөлімшелерінің жедел және біріккен іс-әрекеттерінің арқасында өрт 37 минутта оқшауланды.
Өрт орнына барлығы жеке құрамнан 17 адам, 4 бірлік өрт автоцистернасы және өрт штаб автокөлігі жұмылдырылды. Өрттің себебі мен шығыны анықталуда.
