ҚЫС МЕЗГІЛІНЕ ДАЙЫНДЫҚ ПЫСЫҚТАЛДЫ
Қазалы ауданында бүгін «Қыс-2017» республикалық командалық-штабтық оқу-жаттығуы басталды.«Қысқы кезең жағдайында төтенше жағдайларды жою кезіндегі іс-қимылдарға азаматтық қорғау мемлекеттік жүйесінің басқару органдары мен күштерін даярлау» тақырыбындағы оқу-жаттығу кезінде алдымен аудандық төтенше жағдайлардың алдын алу және оларды жою жөніндегі комиссия отырысы өткізілді.
Оқу-жаттығуға аудандық азаматтық қорғау қызметтерінің 12 жасағы, 197 жеке құрамы мен 55 техника қатысты. Аудан әкімінің орынбасары С.Бабанаев қызмет басшыларының дайындығын тыңдады.
