МӘСКЕУДЕГІ ҚЫЗЫЛОРДАЛЫҚ СТУДЕНТТЕРМЕН КЕЗДЕСТІ
Сыр елі делегаттары К.А.Тимирязев атындағы Мәскеу ауылшаруашылық университетінде болды. Облыс әкімінің орынбасары Руслан Рүстемов мен облыстық жастар саясаты мәселелері басқармасының басшысы Қуаныш Жанұзақов университет басшылығымен, қызылордалықтар оқитын факультеттердің декандарымен, жастар ісі жөніндегі мамандармен кездесіп, студенттердің үлгерімімен және жай-күйімен танысты.Университет жұмысымен танысып, келер жылға грант бөлу мәселесін талқылағаннан кейін делегация мүшелері білім алушылармен еркін форматта кездесу өткізді. Онда Мемлекет басшысының «Ұлы даланың жеті қыры» атты мақаласы түсіндіріліп, мақаладан туындайтын міндеттер талқыланды. Кездесу соңында Руслан Рүстемұлы жырақта жүрген қызылордалық шәкірттерге "Туған жер" атты өлең оқып берді, жерлес ақын Жарасxан Әбдіраштың өлеңін жастар ыстық ықыласпен қабыл алды.
