КОЛЛЕДЖ СТУДЕНТТЕРІМЕН КЕЗДЕСУ ӨТКІЗІЛДІ
Бүгін «Жалағаш аудандық жастар ресурстық орталығы» КММ-сі және «Темірқазық» қоғамдық бірлестігінің ұйымдастыруымен Жалағаш индустриалды-аграрлық колледжінің жатақханасында студенттермен кездесу өткізілді.
Кездесу барысында 2017 жылдың сәуір айында Мемлекет басшысы Н.Ә.Назарбаевтың «Болашаққа бағдар: рухани жаңғыру» атты мақаласы талқыланды.
Сонымен қатар, кездесуде «Жалағаш аудандық жастар ресурстық орталығы» КММ-нің директоры Е.Бақбергенұлы және Жалағаш ауданы жастарының «Темірқазық» қоғамдық бірлестігінің төрағасы Н.Пірназаров жастарға мемлекеттік бағдарламалар және жастар ресурстық орталығының жұмысы туралы ақпараттар берді.
Жалағаш индустриалды-аграрлық колледжі директорының тәрбие ісі жөніндегі орынбасары Ә.Әбдібеков жатақхана жұмыстары туралы және студенттерге жасалынып жатқан мүмкіндіктер туралы айтты.
Жалпы жатақхана 50 адамға лайықталып, ағымдағы жылдың қыркүйек айында пайдалануға берілді. Қазіргі таңда онда 27 студент орналасқан.
Кездесу барысында жатақхана кеңесі құрылатыны туралы айтылды. Кеңестің жыл соңына дейінгі жоспары жасалып, алдағы уақытта студенттермен жүйелі жұмыстар жүргізілетін болды.
