Сәбиіне ерекше есім бермек болған әйел күлкіге қалды
Желі қолданушылары ұлына ерекше есім бермек болған әйелді талқылап, мазақ қылды. Олардың сөзінше, әйел әлі дүниеге келмеген сәбиінің өмірін құртып үлгерді, деп жазады Stan.kz.Жас ана Facebook желісінде Сквайр Себастьян Сенатор (squire сөзі «атқосшы» мағынасын береді) есімді сәбидің құрметіне өткізілетін кештің болмайтынын жазған. Әйелдің сөзінше, таныстары мен туыстары оның сәбиіне қоймақ болған атына разы болмаған.
Әйелдің пікірінше, достары әлі дүниеге келмеген сәбидің есімін талқылап, адамгершілікке жат әрекет жасады.
«Оның есімі – Сквайр Себастьян Сенатор. Болғаны осы. Сіздер сәбиімнің есімін өзгертуге мәжбүрлей алмайсыздар», – дейді ол.
Өз сөзінде әйел бұл сәбиінің толық есімі емес екенін, әлі оның тегі болатынын айтты. Сонымен қатар жас ана сәбиінің есімі «төңкеріспен тең» болатынын атап өтті.
«Ол «Брайан, Сэм, Ник, Белл, Марин тәрізді зеріктірерлік есім қойылған адамдарға қарағанда, тамаша өмір сүреді», – дейді жас ана.
Ал желі қолданушылары әйелдің қиялы бай екенін айтып, күлкі қылды. Олар сәбиге мұндай есім беру оны мазақтап, кемсітумен тең екенін айтты.
Сонымен қатар пікір қалдырушылардың дені әйелдің баласын болашақта есімі үшін күлкі қылып, мазаққа айналдыратынын түсінбейтінін жазып жатты.
