Елімізде алдағы тәуліктерде 35°С аяз болады
Синоптиктер 20-22 желтоқсанға арналған ауа райы болжамын жариялады, деп хабарлайды ҚазАқпарат «Қазгидромет» РМК-ға сілтеме жасап.«Суық арктикалық ауа ағындарына байланысты алдағы тәуліктерде республиканың солтүстік, орталық және шығыс облыстарында бұрқасын болып, қар жауады және екпінді жел соғады. Скандинавианың солтүстік аймақтарында қалыптасқан антициклонға байланысты жауын-шашын тоқтайды және ауа температурасы суытады. Ал, Қазақстанның таулы аймақтары оңтүстік фронтальді жүйенің ықпалында болады. Мұнда өткінші қар жауып, тұман түседі және көктайғақ болуы ықтимал. Ауа температурасы республиканың бүкіл аумағында климаттық нормадан төмен болады, бірақ солтүстік, орталық және шығыс аймақтарда түнде температура 30...35°С дейін төмендейді», - делінген синоптиктердің хабарламасында.
