Ертеңгі күнге сенім зор
Елбасы Нұрсұлтан Назарбаевтың Жолдауында биыл Жастар жылы болып жарияланатыны айтылған еді. Осы аптаның сәрсенбісінде өткенЖастар жылының арнайы ашылу салтанатында Елбасы жаңа инновациялық жобаларға, білімге ерекше назар аудару қажеттігіне тоқталды.
ХХІ ғасырда ең басты бағдар – адам капиталы, оның ішінде білімге Елбасы мемлекеттік стратегияның өзегі білім екеніне ерекше мән беріп отыр. Осы орайда, бұл бағытта жұмыс жүргізіп оң нәтижеге қол жеткіземін деген ойдамын. Жастарды білімдерін шыңдауға шақырамын.
Елбасы екі сағатқа созылған жүздесу барысында ел үшін маңызды мәліметтер мен тағылымды тарихтарға көз жүгіртті. Жастарға зор сенім білдіріп, сол мақсатта еңбек етуге шақырды.
Жастар жылының ашылу салтанатында ой-пікірлерден ерекше әсер алып, келешекте жарқын жобаларды жүзеге асыру ісіне белсене қатыспақ ойдамыз. Осыған орай жастардың бар білім мен күшін салып, жаңа жобаларды іске асыруға дайын екендігін айтып өткен жөн. Ол үшін елімізде барлық жағдай жасалуда. Ел болашағы – жастардың қолында.
Сабыржан КЕҢШІЛІК,
«Сана» зияткерлік мектебі» қоғамдық қорының төрағасы.
