Қазалыда жаңа сауда үйі ашылды
Бүгін Қазалы ауданында «Exclusive» сауда үйі ашылды. Нысанның ашылу салтанатына аудан әкімі Мұрат Ергешбаев қатысты. Қазіргі уақытта Қазалы ауданында кәсіпкерлік саласы қарқынды дамып келеді, өткен жылы жаңадан 820 кәсіпкер тіркелген. Айта кету керек, бүгінде аудандағы шағын және орта кәсіпкерлік субьектілер саны 4325-ке жетті. «Exclusive» сауда үйінде ұлттық нақыштағы киімдер, перделер мен бұйымдар арнайы машина құралымен тігілетін болады. Сауда үйінің 1-қабатында перде, 2-қабатында жалюз, мата және ұлттық нақыштағы киімдер сататын бөлмелер орналасқан. Cауда үйінің иесі жеке кәсіпкер Ғалия Төребекова кәсібін бастау үшін «Қазақстан Халық Банкі» АҚ мен микроқаржылық ұйымның көмегіне жүгінгенін айтады. Сауда үйінде 8 адам тұрақты жұмыспен қамтылған.
Қазалы ауданы әкімінің баспасөз қызметі
