Қызылордада көші-қон қызметтері орталығы ашылды
«Азаматтарға арналған үкімет» мемлекеттік корпорациясы еңбек мигранттарына арналған көші-қон орталықтарында көрсетілетін мемлекеттік қызметтер санын арттырады. Бұдан бұрын аталмыш орталықта шетелдіктер жұмыс істеуге рұқсат беретін құжатты алып, ҚР аумағынауақытша келетіндер үшін жеке сәйкестендіру нөмірі ғана - берілетін. «Еліміз бойынша 12 көші-қон орталығы жұмыс істейді. Бүгін кезектісін Қызылорда қаласында ашып отырмыз. Қазақстанға келетін еңбек мигранттары көп, бірақ барлығы қызметін заңдастыра бермейді. Бірнеше мемлекеттік органның арасындағы сергелдеңнен олар құжаттарын реттеуге асықпайды. Көші-қон орталығы – көлеңкеде жүрген еңбек мигранттарының заңды түрде тіркелуіне ықпал етеді. Осы ретте көші-қон ХҚО-сы арқылы көрсетілетін қызметтер саны көбейетін болады», – деп атап өтті мемлекеттік корпорацияның басқарма төрағасы Абылайхан Оспанов Қызылорда қаласындағы көші-қон орталығының ашылу салтанатында.
2019 жылғыақпан айының соңына дейін көші-қон орталықтары арқылы келесі қызметтер көрсетіледі деп жоспарлануда:
- ҚР аумағына уақытша келетін шетелдіктер мен азаматтығы жоқ тұлғаларды тіркеу;
- ҚР тысқары аймағына тұрақты тұруға шығатындардың құжаттарын рәсімдеу;
- ҚР визаларын беру бойынша қабылдаушы тұлғалардың шақыруларын қабылдау және келісу.
Бүгінде ІІМ-мен бірлесіп ашылған миграциялық ХҚО-да еңбек мигранттары қажетті мемлекеттік қызмет түрлерін «бір терезе» қағидаты бойынша ала алады.Бұл жерде медициналық тексеріс пен дактилоскопиядан өтіп, сақтандыру полисін де қоса рәсімдеуге болады. Бұрын мигранттар еңбек етуге берілетін рұқсат құжаттарын алу және оның мерзімін ұзарту үшін 6 мемлекеттік мекемеге барып, 3-5 күнінжұмсайтын.Қазір қажетті құжаттарды көші-қон қызметтерінің орталығы арқылы бір сағаттың ішінде рәсімдеуге болады.
Айта кетейік, Қызылорда қаласындағы көші-қон қызметтері орталығының ашылу салтанатына облыс әкімі Қырымбек Көшербаев қатысты.
2018 жылы Қызылорда облысы полиция департаментінің көші-қон қызметі басқармасы 36 577 шетел азаматын тіркеп, 15 614 еңбек мигранттарына рұқсат құжатын берген.Қызылордада мұндай орталықтың ашылуы сыбайлас жемқорлық тәуекелдерінің алуға және н көлеңкелі еңбек нарығын қысқартуға септігін тигізеді деп күтілуде.
Енді облысқа жұмыс істеуге келетін еңбек мигранттары құжаттарын рәсімдеу үшін Бектұрғанов көшесі 70 мекенжайында орналасқан миграциялық ХҚО-ға жүгіне алады. Жұмыс кестесі: 9.00-18.30-ға дейін үзіліссіз.
Еңбек мигранттарына қызмет көрсететін орталықтар 2018 жылы Астана, Алматы, Шымкент қалалары мен Қостанай, Қарағанды, Ақтөбе, Атырау, Ақмола, Батыс Қазақстан, Солтүстік Қазақстан, Маңғыстау, Алматы облыстарында ашылған болатын.
«Азаматтарға арналған үкімет»
мемлекеттік корпорациясы» КЕАҚ
Қызылорда облысы бойынша
баспасөз қызметі
