Бөлменің ауасын желдету қажет пе
Бөлмені немесе кеңсені күнделікті желдету қажет пе, және қажет болса оны қай уақытта жасаған дұрыс. Бұл жайлы Stan.kz ақпараттық агенттігі дәрігер, иммунологтардың айтқан кеңесін ұсынады.Иммуногтардың айтуынша бөлмені міндетті түрде желдетіп тұру қажет.
Біріншіден, қыста, жылытуға байланысты бөлменің ауасы қатты құрғап кетеді. Ал ондай ауа теріні және мұрынның шырышты қабығын құрғатады. Содан ол өз қызметін атқаруды тоқтатады. Ол кезде мұрыннан қан кете бастайды, ал шырыш вирустар мен бактерияларға қарсы тұра алмай, адам ЖРВИ-ді тез жұқтырып алады. Сондай-ақ, дәрігерлер ауаны желтетуден бөлек, ауа дымқылдатқышты қолдану керектігін айтады.
Екіншіден, үй-жайды ауадағы вирустар мен бактериялар концентрациясын төмендету үшін желдетіп тұру керек.
Егер үйде біреу ауырып қалса, оның бөлмесін, дұрысы бүкіл пәтердің ауасын желдету керек. Бұл үйдегі басқа адамдардың инфекция жұқтыру қаупін төмендетуге көмектеседі. Тіпті, үйде ешкім ауырмаса да, аурудың алдын-алу үшін терезелерді ашып, бөлмені желдетіп тұрған жөн. Себебі, отбасы мүшелері жұмыста, мектепте, балабақшада бөтен адамдармен қарым-қатынас жасайтындықтан, үйге вирус жұқтырып келуі әбден мүмкін. Сөйтіп, олар вирустарды өздері тасымалдауы ықтимал.
Иммунологтардың сөзіне сүйенсек, үй-жайды тек таңертең ғана емес, сондай-ақ, күндізгі уақытта да желдетіп тұру қажет.
Дәрігерлерлердің сөзінше, бөлмеде үнемі ауа айналымы болуы керек. Егер қыста терезелері әрдайым ашық тұратын бөлмеде отыру қиын болса, оны біраз уақытқа ашып, бөлмеден шыға тұрсаңыз болады.
