«Шах-такси» қызмет көрсету орталығы ашылды
Бүгінде Арал ауданының дамуы жолында жас азаматтар да түрлі салада қызмет жасап, сүбелі үлестерін қосып келеді.Жас кәсіпкер Ерлан Кемаловтың «Жақсат и К» автобекеті ғимараты ішінен «Шах-Такси» қызмет көрсету орталығы ашылды.
Аталған шараға қатысқан қала әкімі Бауыржан Махатов орталықтың ашылуымен құттықтап, жұмысына сәттілік тіледі.
Жас кәсіп иесі осы бастамасы арқылы 15 адамды жұмыспен қамтып отыр. Орталық тәулік бойы 2 ауысыммен жұмыс жасайды.
Тапсырыстар арнайы диспетчерлер және мобильді бағдарлама арқылы қабылданады. Қалаішілік және ауданаралық бағыттарда, сондай-ақ, тапсырыс бойынша кез келген қалаға қатынайды.
Автокөлік жүргізушілері күнделікті медициналық тексеруден, автокөліктер техникалық тексеруден өткізіліп отырады.
Мүмкіндігі шектеулі жандарға, жағдайы төмен отбасыларға 50 пайыз жеңілдік қарастырылған.
