Ел болашағы үшін маңызды
Ел Президенті Қасым-Жомарт Тоқаевтың Президент сайлауын 2019 жылдың 9 маусымында өткізу туралы қабылдаған шешімі шынында да саяси, əлеуметтік, тарихи маңызы жоғары.Сайлау қоғамды қайта құру емес, оны жақсарта түсу, ізгілендіру сияқты мақсатпен өткізіледі. Бүгінгі қоғамымыздағы ең басты мəселе – татулық пен келісімді қамтамасыз ету, орта және шағын бизнесті дамытуға баса назар аудару және елдің әлеуметтік жағдайын жақсарту мақсатында еңбек адамына заң аясында жағдай жасау. Сайлаудың мерзімінен бұрын өтуі еліміздің əлеуметтік-экономикалық даму жолында алға қойған мақсаттарын одан əрі жүзеге асыруға мүмкіндік береді.
Ел Президенті өзінің үндеуінде «Мемлекет басшысы ретінде, сайлаудың таза, ашық әрі әділ өтуіне кепілдік беремін. Бұл – менің берік ұстанымым! Алдымызда зор міндеттер тұр. Мен халқымызға, яғни сіздерге сенемін» деді.
Осындай жауапты кезеңде сайлауға қатысу азаматтардың тек өзін-өзі құрметтеуі ғана емес, жалпы Қазақстанның болашағының, ұрпақ алдында жауапкершілігін көрсетеді.
Серік СЕРМАҒАМБЕТОВ,
Қызылорда облысы аумақтық кәсіподақтар бірлестігінің төрағасы.
