Ақмешіт апталығы

Түркістан облысында өгей анасынан зәбір көрген үш қыздың туған анасы өз нұсқасын айтты. Оның айтуынша, әкесі қыздарының өгей анасынан қорлық көріп жүргенін бұрыннан біледі. 

Фото: otyrar.kz
Үш қыздың туған анасы Жұлдыз бұл істе қыздардың әкесін кінәлап отыр. Әкесі екінші әйелінің әрекетін білген. Қыздарды ұрып-соғып жүргенінен хабардар болған. Тіпті зәбір көрсетуін қолдап отырған болуы мүмкін, деп жазады Отырар-ға сілтеп Stan.kz.
Жұлдыз күйеуімен заңды ажырасқан. Сот шешіміне сәйкес, анасы да, әкесі де балаларының қамқорлығына жауапты болған. Алайда бұрынғы күйеуі Жұлдызды балаларымен араластырмай, тіпті үйіне жаңа әйел алып келген. Жұлдыздың айтуы осылай. 
Қыздардың туған анасының айтуынша, бұрынғы күйеуі салафиттік ағымға кірген. 
"Мен де бастапқыда өз еркіммен намаз оқығанмын. Хиджаб кидім. Бірақ мен жедел жәрдем қызметінде жұмыс істедім. Сондықтан хиджаб киюге рұқсат болмады. Сол үшін күйеуім небір сөздер айтты. Жезөкшеге теңеді", - дейді Жұлдыз. 
Қыздардың әкесі Нұрмухамедтің теріс ағым ұстанатынын полиция департаментінде растады.
Еске сала кетсек, бұған дейін Жетісай қаласында өгей ананың үш қызына қорлық көрсетіп келгенін хабарлаған едік. Қыздардың денесіндегі жараларды мектеп мұғалімдері көрген. Директоры полицияға хабарласқан соң, істің ақ-қарасы анықтала бастады.