Жаңбыр жауып, жел күшейеді: Алдағы демалыс күндері ауа райы қандай болады
Синоптиктер 1-3 маусым күндеріне арналған ауа райы болжамын жасады. Алдағы демалыс күндері, елімізде жаңбыр жауып, жел күшейеді, деп хабарлайды Stan.kz ақпарат агенттігі «Қазгидромет» РМҚ-ға сілтеме жасап.
Атмосфералық фронттардың өтуіне байланысты жаз мезгілінің алғашқы демалыс күндерінде еліміздің көптеген облысында найзағай ойнап, өткінші жаңбыр, бұршақ жауады. Сонымен қатар желдің екпіні күшеюі болжанады. Ауа температурасы аздап төмендеп, орташа көпжылдық мәнге жақын болады.
Алайда Қазақстанның батыс облыстарында демалыс күндері жауын-шашынсыз ауа райы күтіледі. Синоптиктер ауа температурасы климаттық нормадан 3-6°С жоғары болады деп болжап отыр.
.jpg)
