Ақмешіт апталығы

Жас жігіт әбден қажып, жартылай есін жоғалтқан
Павлодарда жоғалған 24 жастағы жігіт бір аптадан соң тірі табылды, деп хабарлады "Вита" еріктілер тобының мүшесі Екатерина Кудрявцева Sputnik Қазақстанға.
Волонтерлердің мәліметіне сүйенсек, 24 жастағы Владимир Чускаев 11 маусымда үйіне оралмаған соң, ата-анасы еріктілерден көмек сұраған. Жігітті соңғы рет трамвай депосының қасынан көріпті. Волонтерлер бірден іздеуге кіріседі.
Кудрявцеваның айтуынша, 30 адам жиналып, таң атқаннан кеш батқанға дейін Ертіс өзенінің алқабын аралаған. Алайда жігіт ұшты-күйлі жоқ.
"Қала шетіндегі Павлодарское ауылына барып іздеу керек болатынбыз, бірақ кеше ғана, яғни 18 маусымда Владимирдің анасы хабарласып, ұлының табылғанын айтты. Жігіт үйіне өзі қайтып келіпті", - дейді Екатерина.

View this post on Instagram

Не передать словами наше счастье... Найден!!! Жив!!! Всем спасибо! Потерялся в лесу, нуждается в медицинской помощи. К "загулам" никакого отношения НЕ ИМЕЕТ! #спешитеделатьдобро #казахстан#аксу#экибастуз#павлодар#14регион#павлодарцы#поискпавлодар#оопоисковикигородапавлодара#ВИТА#VITA

A post shared by Волонтеры-посковики VITA (@poiskoviki_pavlodara_vita) on Jun 17, 2019 at 8:36pm PDT

Владимир осы уақыт бойы қайда болғанын білмейді – жоғалған жігіт сырқаттанып қалған, оның үстіне жартылай есін жоғалтыпты. Владимирдің беті күнге қатты күйіп, өзі әбден қажыған, медициналық көмекке зәру болды, деді Кудрявцева.
"Бірақ, ең бастысы – ол тірі! Ата-анасы мен оны іздеуге қатысқан бәріміз үшін бұл – үлкен қуаныш", - дейді ерікті.
Әлеуметтік желі қолданушылары жоғалған адамдарды іздеуге көмектесетін волонтерлерге ерен еңбегі үшін алғыс айтты.